ரயிலில் உணவு ஆர்டர் செய்ய இனி வாட்சப் மட்டும் போதும்!
ரயில்களில் பயணிகள் வாட்சப் வழியாக உணவு ஆர்டர் செய்வதற்கான வசதி அறிமுகமாகியுள்ளது. இதற்காக ஐஆர்சிடிசி (IRCTC) நிறுவனத்தின் உணவு டெலிவரி சேவையான ஜூப் (Zoop) ஜியோ ஹபிக் (Jio Hapik) நிறுவனத்துடன் கூட்டணி அமைத்துள்ளது.
இந்த கூட்டணியின் நோக்கம், ரயில்களில் எளிதாக உணவு டெலிவரி சேவைகளை வழங்குவது. இதன் வாயிலாக இனி ரயில் பயணிகள் வாட்சப்பிலேயே உணவு ஆர்டர் செய்து பெற்றுக்கொள்ளலாம். இதற்காக வாட்சப் சாட்போட் (Whatsapp Chatbot) சேவை அறிமுகப்படுத்தப்படுகிறது.
இந்த வாட்சப் சாட்போட்டுக்கு மெசேஜ் அனுப்பி ரயில் பயணிகள் மிக எளிதாக உணவு ஆர்டர் செய்துகொள்ளலாம். ரயில் பயணிகள் PNR நம்பர் மட்டும் பயன்படுத்தி ஆர்டர் செய்தால் தங்களது இருக்கைக்கே நேரடியாக உணவு வந்துவிடும்.
இந்த வசதியை பயன்படுத்தி வாட்சப்பில் உணவு ஆர்டர் செய்தால் அடுத்து வரும் ஸ்டேஷனில் உணவு டெலிவரி பெற்றுக்கொள்ளலாம். இதற்கு முன் உணவு ஆர்டர் செய்ய வேண்டுமெனில் Zoop ஆப் டவுன்லோடு செய்து ஆர்டர் செய்ய வேண்டும். எனினும், இனி ஆப் இல்லாமல் வாட்சப்பிலேயே உணவு ஆர்டர் செய்யலாம்.
ரயில் பயணிகளுக்கு வரப் பிரசாதம்.. இனி ஜாலியா தூங்கலாம்!
எப்படி ஆர்டர் செய்வது?
உங்கள் மொபைலில் 7042062070 எண்ணை பதிவு செய்துகொள்ளவும்.
இந்த எண்ணுக்கு மெசேஜ் செய்தால் உங்களிடம் சில தகவல்கள் கேட்கப்படும். அவற்றை பூர்த்தி செய்யவும்.
அதன்பின் படிப்படியாக எப்படி உணவு ஆர்டர் செய்வது என அந்த சாட்பாட் வழிகாட்டும்.
உணவு ஆர்டர் செய்து UPI, Netbanking போன்ற பரிவர்த்தனை முறைகள் வழியாக கட்டணமும் செலுத்திவிடலாம்.
