ஆபாச பேச்சு; அமைச்சர் பெஞ்சமின் மீது 2 பிரிவுகளில் வழக்குப் பதிவு!

 


மதுரவாயல் தொகுதி அதிமுக வேட்பாளரும் அமைச்சருமான பெஞ்சமின் மீது இரண்டு பிரிவுகளில் காவல்துறையினர் வழக்குப் பதிவு செய்துள்ளனர். அதேபோல், அமைச்சர் பெஞ்சமின் கொடுத்த புகாரின் பேரில் திமுகவினர் மீதும் வழக்கு பதிவு செய்யப்பட்டுள்ளது.

நேற்று நடந்த சட்டமன்றத் தேர்தலில் வாக்குச் சாவடிக்குள் புகுந்து வாக்காளர்களை அவதூறாக பேசியதுடன் அமைதியை சீர்குலைக்க முயன்றதாக திமுக பிரமுகர் நவராஜ் அளித்த புகாரின் பேரில் அமைச்சர் பெஞ்சமின் மீது இரண்டு பிரிவுகளில் போலீஸார் வழக்குப் பதிவு செய்துள்ளனர்.

இதனிடையே, அமைச்சர் பென்ஜமின் கொடுத்த புகாரில் திமுகவைச் சேர்ந்தவர்கள் மீது காவல்துறை வழக்குப்பதிவு செய்துள்ளனர். இந்த சம்பவம் தொடர்பாக மதுரவாயல் சட்டமன்ற தொகுதி அதிமுக வேட்பாளரும் அமைச்சருமான பென்ஜமின் ஜெஜெ நகர் காவல் நிலையத்தில் புகார் கொடுத்துள்ளார்.

அதில், "மதுரவாயல் சட்டமன்றத் தொகுதிக்கு உட்பட்ட வாக்குச்சாவடிகளில் வாக்குப்பதிவு சம்மந்தமாக ஆய்வு செய்ய சென்றேன். சென்னை முகப்பேர் கிழக்கு. வீரமாமுனிவர் தெரு, எம்.ஜி.ஆர் ஆதர்ஷ் பள்ளி அருகில் பெண்கள் வாக்களிக்க வருவதை தடுக்கும் நோக்கத்துடன் தி.மு.க.வினர் பெண்களிடம் பாலியல் தொல்லை செய்தும், பல அராஜக செயல்களில் ஈடுபட்டு வருவதை பார்த்த நான் அது சம்பந்தமாக அங்கு இருந்த மதுரவாயல் திமுக வடக்கு பகுதி இளைஞரணி அமைப்பாளர் நவராஜ் நவராஜ், நவசுந்தரம் மற்றும் தி.மு.கவைச் சேர்ந்வர்களிடம் கேட்டேன்.

அப்போது அவர்கள் என்னை தகாத வார்த்தைகள் சொல்லி திட்டியதோடு மட்டுமல்லாமல் என்னுடைய வெற்றியை தடுக்கும் பொருட்டு எந்த செயலும் செய்வோம் என்றும் மிரட்டினார்கள். என்னுடைய காரையும் வழிமறித்து என்னை தாக்கவும் முற்பட்டனர். அவர்கள் மீது நடவடிக்கை எடுக்கும்படி புகாரில் தெரிவித்துள்ளார்.

இந்த புகார் தொடர்பாக ஜெஜெ நகர் போலீசார் மதுரவாயல் திமுக வடக்கு பகுதி இளைஞரணி அமைப்பாளர் நவராஜ், திமுகவைச் சேர்ந்த நவசுந்தரம் ஆகியோர் மீது வழக்குப்பதிவு செய்துள்ளனர். 143- சட்டவிரோதமாக கூட்டத்தை சேர்த்தல், 294(பி)- ஆபாசமாக திட்டுதல் ஆகிய 2 பிரிவுகளின் கீழ் வழக்குப்பதிவு செய்துள்ளனர்.

Popular posts
நடுரோட்டில் கதறிய பெண் வழக்கறிஞர்-“இன்னும் எவ்வளவு பணம் வேணாலும் வாங்கித்தர்றேன்.. என்னோட வந்துடுங்க!”
Image
600 கோடியை ஏப்பம் விட்ட பாஜகவினர்; கும்பகோணத்தை அதிரவைத்த‘ஹெலிகாப்டர் பிரதர்ஸ்’.12 சொகுசு கார்களை பறிமுதல் செய்து அதிரடி!
Image
நடிகையுடன் நடைபெற்ற மது விருந்து..! பண்ணை வீட்டுக்கு சீல் வைத்த அதிகாரிகள்..!
Image
சர்ச்சையை கிளப்பிய அதிகாரி மீது நடவடிக்கை - வடக்கிற்கு உரக்கச் சொன்ன தமிழக அரசு உதவி ஆணையர் விடுவிப்பு - மாநகராட்சி ஆணையர் உத்தரவு
Image
தமிழ்நாடு மாநில மனித உரிமை ஆணையம் வழங்கிய நோட்டீஸை அடுத்து டி.ஜி.பி சைலேந்திரபாபு இந்த உத்தரவைப் பிறப்பித்துள்ளார்.
Image