தேர்தலில் திமுக 190-க்கும் அதிகமான தொகுதிகளில் உதயசூரியன் சின்னத்தில் போட்டியிடும் என எதிர்பார்க்கப்படுகிறது.

 


திமுக கூட்டணி கட்சிகளின் தொகுதிப் பங்கீடு கிட்டத்தட்ட முடிந்துவிட்டது. தற்போது காங்கிரஸ் கட்சிக்கு 25 தொகுதிகளை ஒதுக்கி ஒப்பந்தம் கையெழுத்தாகியுள்ள நிலையில், முன்னதாக விடுதலைச் சிறுத்தைகள், இந்திய கம்யூனிஸ்ட், மதிமுக ஆகிய கட்சிகளுக்கு தலா 6 தொகுதிகளை ஒதுக்கியது.

விசிக, இந்திய கம்யூனிஸ்ட் கட்சிகள் தனிச்சின்னத்தில் போட்டியிடுகின்றன. மதிமுக உதய சூரியன் சின்னத்தில் களம் காண்கிறது. மூன்று தொகுதிகள் ஒதுக்கப்பட்டுள்ள இந்திய யூனியன் முஸ்லீம் லீக் தனிச்சின்னத்தில் போட்டியிடுகிறது. 

மனித நேய மக்கள் கட்சிக்கு இரண்டு தொகுதிகள் ஒதுக்கப்பட்டுள்ள நிலையில், ஒரு தொகுதியில் தனி சின்னத்திலும், மற்றொரு தொகுதியில் உதய சூரியன் சின்னத்திலும் களம் காண இருக்கிறது.

திமுக கூட்டணியில் இதுவரை 48 தொகுதிகள் தோழமை கட்சிகளுக்கு ஒதுக்கப்பட்டுள்ளன. 

அதில் 41 தொகுதிகளில் கூட்டணிக் கட்சியினர் தனிச் சின்னத்தில் போட்டியிட உள்ள நிலையில், மனித நேய மக்கள் கட்சி, மதிமுக உடன் சேர்த்து திமுக 190க்கும் அதிகமான தொகுதிகளில் உதயசூரியன் சின்னத்தில் போட்டியிடும் என எதிர்பார்க்கப்படுகிறது.


இதனிடையே மார்க்சிஸ்ட் கம்யூனிஸ்ட் கட்சி தொகுதிப் பங்கீடு குறித்து திமுக உடன் பேச்சுவார்த்தை நடத்தி வருகிறது. அதே போல், தமிழக வாழ்வுரிமை கட்சி, கொங்குநாடு மக்கள் தேசிய கட்சி ஆகியவை திமுக உடன் தொகுதிப் பங்கீடு பேச்சுவார்த்தை நடத்த உள்ளன.

Popular posts
நடுரோட்டில் கதறிய பெண் வழக்கறிஞர்-“இன்னும் எவ்வளவு பணம் வேணாலும் வாங்கித்தர்றேன்.. என்னோட வந்துடுங்க!”
Image
600 கோடியை ஏப்பம் விட்ட பாஜகவினர்; கும்பகோணத்தை அதிரவைத்த‘ஹெலிகாப்டர் பிரதர்ஸ்’.12 சொகுசு கார்களை பறிமுதல் செய்து அதிரடி!
Image
நடிகையுடன் நடைபெற்ற மது விருந்து..! பண்ணை வீட்டுக்கு சீல் வைத்த அதிகாரிகள்..!
Image
சர்ச்சையை கிளப்பிய அதிகாரி மீது நடவடிக்கை - வடக்கிற்கு உரக்கச் சொன்ன தமிழக அரசு உதவி ஆணையர் விடுவிப்பு - மாநகராட்சி ஆணையர் உத்தரவு
Image
தமிழ்நாடு மாநில மனித உரிமை ஆணையம் வழங்கிய நோட்டீஸை அடுத்து டி.ஜி.பி சைலேந்திரபாபு இந்த உத்தரவைப் பிறப்பித்துள்ளார்.
Image