திமுக வேட்பாளர்கள் பட்டியலில் 15-க்கும் மேற்பட்ட அரசியல் வாரிசுகள் - யாருக்கெல்லாம் வாய்ப்பு?

 


பி.டி.ஆர்.பழனிவேல் ராஜனின் மகன் தியாகராஜன், பொய்யாமொழியின் மகன் அன்பில் மகேஷ், தங்கபாண்டியன் மகன் தென்னரசு ஆகியோர் களமிறங்குகின்றனர்.

சட்டப்பேரவைத் தேர்தலில் திமுக சார்பில் போட்டியிடும் 15-க்கும் மேற்பட்டோர் அரசியல் வாரிசுகளாக உள்ளனர்.

அரசியலில் வாரிசு என்பது சாதாரணமாக மாறிவிட்டது. சட்டப்பேரவைத் தேர்தலில் திமுக போட்டியிடும் 173 தொகுதிகளுக்கான வேட்பாளர் பட்டியல் வெளியிடப்பட்டுள்ளது.

இதில், கொளத்தூர் தொகுதியில் போட்டியிடும் மு.க.ஸ்டாலின், கருணாநிதியின் மகன். மேலும், ஸ்டாலினின் மகன் உதயநிதி ஸ்டாலின் முதல்முறையாக தேர்தலில் களமிறங்கியுள்ளார்.

மறைந்த முன்னாள் அமைச்சர் அன்பழகனின் பேரன் வெற்றியழகனுக்கும் வாய்ப்பு அளிக்கப்பட்டுள்ளது.டி.ஆர்.பாலுவின் மகன் ராஜா,ஐ.பெரியசாமியின் மகன் செந்தில்குமார் ஆகியோரும் தேர்தல் களம் காண்கின்றனர்.

பி.டி.ஆர்.பழனிவேல் ராஜனின் மகன் தியாகராஜன், பொய்யாமொழியின் மகன் அன்பில் மகேஷ், தங்கபாண்டியன் மகன் தென்னரசு ஆகியோர் களமிறங்குகின்றனர்.

இதேபோல, ஆலடி அருணாவின் மகள் பூங்கோதை, பெரியசாமியின் மகள் கீதா ஜீவன், நாகநாதன் மகன் மருத்துவர் எழிலன் ஆகியோரும் தேர்தலில் போட்டியிடுகின்றனர்.

சேடப்பட்டி முத்தையாவின் மகன் மணிமாறன், காதர்பாட்சாவின் மகன் முத்துராமலிங்கம், அண்மையில் மறைந்த ஜெ.அன்பழகனின் தம்பி கருணாநிதி, கே.பி.பி.சாமியின் தம்பி சங்கர், பெரியண்ணன் மகன் இன்பசேகரன், காஞ்சிபுரம் அண்ணாமலையின் பேரன் எழிலரசன் ஆகியோரும் போட்டியிடுகின்றனர்.


Popular posts
கடலூர் தலைமை அரசு மருத்துவமனை மருத்துவர்கள்-மீது நடவடிக்கை எடுக்க ஹெல்த் அமைச்சருக்கு கோரிக்கை!
Image
நடுரோட்டில் கதறிய பெண் வழக்கறிஞர்-“இன்னும் எவ்வளவு பணம் வேணாலும் வாங்கித்தர்றேன்.. என்னோட வந்துடுங்க!”
Image
அரக்கோணம் அடுத்த சோகனூர் அருகே அரசு அதிகாரிகளை தரக்குறைவாக பேசியதாக கூறி அரசு பள்ளி பட்டதாரி ஆசிரியர் பணியிடை நீக்கம்
Image
600 கோடியை ஏப்பம் விட்ட பாஜகவினர்; கும்பகோணத்தை அதிரவைத்த‘ஹெலிகாப்டர் பிரதர்ஸ்’.12 சொகுசு கார்களை பறிமுதல் செய்து அதிரடி!
Image
நடிகையுடன் நடைபெற்ற மது விருந்து..! பண்ணை வீட்டுக்கு சீல் வைத்த அதிகாரிகள்..!
Image