இங்கிலாந்திலிருந்து மதுரை திரும்பி மாயமான 4 பேரில் இருவரை அடையாளம் கண்டுள்ள சுகாதாரத்துறை

 


இங்கிலாந்திலிருந்து மதுரை திரும்பி மாயமான 4 பேரில் இருவரை அடையாளம் கண்டுள்ளதாக சுகாதாரத்துறை அதிகாரிகள் தெரிவித்துள்ளனர்.

மொத்தம் 88 பேர் இங்கிலாந்திலிருந்து மதுரை வந்திருந்த நிலையில், அவர்களில் 84 பேரை கண்டறிந்து சுகாதாரத்துறையினர் கொரோனா பரிசோதனை மேற்கொண்டனர்.

மீதமுள்ள 4 பேருடைய வீடுகளும் பூட்டப்பட்டிருந்ததால் அவர்களை தேடும் முயற்சி நடைபெற்று வந்தது. இந்த நிலையில் அந்த 4 பேரில் இருவர் அடையாளம் காணப்பட்டுள்ளனர் என்றும் அவர்களில் ஒருவரை பரிசோதனை செய்ததில் நெகட்டிவ் என முடிவு வந்திருப்பதாகவும் கூறிய அதிகாரிகள், வெளியூரிலுள்ள மற்றொருவருக்கு நாளை பரிசோதனை நடத்தவுள்ளதாகத் தெரிவித்துள்ளனர்.