"நிவர் புயல்" - தயார் நிலையில் 30 தேசிய பேரிடர் மீட்புக் குழுக்கள்..!
புயல் மற்றும் அதி கனமழையின்போது ஏற்படும் சேதங்களின்போது, மீட்பு பணிகளில் ஈடுபட, தமிழ்நாட்டிற்கு 12 குழுக்களை, தேசிய பேரிடர் மீட்பு படை அனுப்பியிருக்கிறது. புதுச்சேரியில் 2 குழுக்களும், காரைக்காலில் ஒரு குழுவினரும் முகாமிட்டுள்ளனர்.
ஆந்திர மாநிலம் நெல்லூர், விசாகப்பட்டினத்தில், தலா 3 குழுக்களும், சித்தூரில் ஒரு குழுவும், முகாமிட்டுள்ளதாக, தேசிய பேரிடர் மீட்பு படை தெரிவித்துள்ளது. அதிகம் பாதிக்கப்படும் பகுதிகளுக்கு உடனடியாக விரைந்து செல்ல, மேலும் 8 குழுக்கள் தயார் நிலையில் வைக்கப்பட்டுள்ளதாகவும், தேசிய பேரிடர் மீட்பு படை கூறியுள்ளது.
