சாத்தான்குளம் தந்தை - மகனுக்கு சிகிச்சையளித்த கோவில்பட்டி மருத்துவர்களிடம் சிபிஐ விசாரணை

சாத்தான்குளம் தந்தை- மகன் அடித்து கொல்லப்பட்ட விவகாரம் தொடர்பாக கோவில்பட்டி அரசு மருத்துவமனை மருத்துவர்களிடம் சிபிஐ அதிகாரிகள் 2 மணி நேரத்திற்கும் மேலாக விசாரணை நடத்தினர்.


சாத்தான்குளத்தை சேர்ந்த ஜெயராஜ் - பென்னிக்ஸ் ஆகிய இருவரும் கோவில்பட்டி அரசு மருத்துவமனையில் அனுமதிக்கப்பட்ட நிலையில் அடுத்தடுத்து உயிரிழந்தனர்.


இந்த வழக்கில் காவல் ஆய்வாளர் உட்பட 10 போலீசார் கைது செய்யப்பட்டுள்ள நிலையில், ஜெயராஜ் - பென்னிக்ஸ் சிகிச்சைக்கு அனுமதிக்கப்பட்ட தினத்தன்று பணியில் இருந்த மருத்துவர்கள் மற்றும் செவிலியர்களிடம் சிபிஐ அதிகாரிகள் விசாரணை நடத்தினர்.


ஏற்கனவே, ஜெயராஜ்-பென்னிக்ஸ் இல்லம், கடை, சாத்தான்குளம் அரசு மருத்துவமனை, கோவில்பட்டி சிறைச்சாலை உள்ளிட்ட இடங்களிலும் சிபிஐ அதிகாரிகள் விசாரணை நடத்தியது குறிப்பிடத்தக்கது.