சென்னையில் பொது இடங்களில் எச்சில் துப்பினால் 100 ரூபாய் அபராதம் விதிக்கப்பட உள்ளது. அதுபோல், குப்பைகளை அள்ளுவதற்கு மாதக் கட்டணம் வசூல் செய்யும் திட்டத்தையும் சென்னை மாநகராட்சி அறிமுகம் செய்ய உள்ளது. சென்னையில் ஒரு நாளைக்கு 5 ஆயிரம் மெட்ரிக் டன் குப்பை சேகரமாகிறது. சென்னை மாநகராட்சி, இந்தக் குப்பைகளை அள்ளி பெருங்குடி, கொடுங்கையூர் குப்பைக் கிடங்குகளில் கொட்டுகிறது. அதில் பல்வேறு பிரச்னைகள் உருவான நிலையில், குப்பையைக் கட்டுப்படுத்தவும், அவற்றை தரம் பிரித்து மறு சுழற்சி செய்யவும் அரசு பல்வேறு முயற்சிகளை மேற்கொண்டது. அதையொட்டி, 2016-ம் ஆண்டு திடக் கழிவு மேலாண்மை திட்டம் உருவாக்கப்பட்டது. அதில், குப்பையை உருவாக்குபவர்களிடம் இருந்து கட்டணம் வசூலிக்கவும், விதிமுறைகளை மீறி குப்பை கொட்டுபவர்களுக்கு அபராதம் விதிக்கவும் சென்னை மாநகராட்சிக்கு தமிழக அரசு அனுமதி கொடுத்தது. அதன்படி, மாநகராட்சி குப்பை அள்ளுவதற்கு வீடுகள் மாதம் 10 முதல் 100 ரூபாய் வரையும், வணிக நிறுவனங்கள் 1000 முதல் 5000 வரையும், நட்சத்திர விடுதிகள் 300 முதல் 3 ஆயிரம் ரூபாய் வரையும், தியேட்டர்கள் 750 முதல் இரண்டு ஆயிரம் வரையும், அரசு அலுவலகங்கள் 300 முதல் 3 ஆயிரம் ரூபாய் வரையும், தொழில் உரிமம் பெற்றுள்ள கடைகள் 500 முதல் ஆயிரம் ரூபாய் வரையிலும் கட்டணமாகச் செலுத்த வேண்டும். மேலும், பொது இடங்களில் நடக்கும் நிகழ்ச்சிகளில் குப்பை அள்ள 5 ஆயிரம் முதல் 20 ஆயிரம் ரூபாய் வரையிலும், தனியார் பள்ளிகள் 500 முதல் 3 ஆயிரம் ரூபாய் வரையிலும் கட்டணமாகச் செலுத்த வேண்டும். நர்சிங் ஹோம்கள் 2 ஆயிரம் முதல் 4 ஆயிரம் ரூபாய் வரை கட்டணம் நிர்ணயம் செய்துள்ளது. அதுபோல், பொது இடத்தில் குப்பை கொட்டுபவர்களுக்கு 500 ரூபாயும், தரம் பிரித்து வழங்காதவர்களுக்கு 500 ரூபாய் முதல் 5 ஆயிரம் ரூபாய் வரையிலும், கட்டுமான கழிவுகளை பொது இடத்தில் கொட்டுபவர்களுக்கு 2 ஆயிரம் முதல் 5 ஆயிரம் ரூபாய் வரையிலும், குப்பையை எரிப்பவர்களுக்கு 500 ரூபாய் முதல் 2 ஆயிரம் ரூபாய் வரையிலும் அபராதம் விதிக்கப்படும். அதுபோல், பொது இடத்தில் எச்சில் துப்பும் நபர்களிடம் இருந்து 100 ரூபாய் அபராதம் வசூல் செய்யப்படும். அடுத்த மூன்று மாதங்களில் இந்த விதி நடைமுறைக்கு வரும் என சென்னை மாநகராட்சி தெரிவித்துள்ளது.பஞ்சாயத்து தலைவருக்கு எவ்வளவு சம்பளம் தெரியுமாகோடிகள், புரளும் (ஊராட்சிகளில் ஊழல் நடப்பது எப்படி....
இந்தியாவின் ஆணிவேராக கிராமங்களும், கிராம பஞ்சாயத்துகளும் கருதப்படுகிறது. கிராமங்களுக்கு அரசியல் அதிகாரமளித்தல் என்பது மிகவும் தவிர்க்க முடியாத ஒன்று. ஆனால் அந்த அதிகாரம் ஆபத்தானதாக சென்று கொண்டிருப்பது தான் உள்ளாட்சி அமைப்புகளின் பிரச்சனையாக கருதப்படுகிறது . தமிழ்நாட்டில் தற்போது பரபரப்பாக உள்ளாட்சித்தேர்தல் நடந்து முடிந்து வெற்றி, தோல்வி முடிவுகள் வெளியாகி வருகிறது. இந்திய பிரதமர் ஆனது போல சிலர் வெற்றி பெற்ற வேட்பாளர்களின் புகைப்படத்தை பேஸ்புக் உள்ளிட்ட சமூக வலைதளங்களில் பகிர்ந்து ஆரவாரம் செய்வதை காணமுடிகின்றது. ஏன் அவர்களுக்கு இந்த வெற்றி இவ்வளவு பெரிதாக இருக்கிறது என்பதை பொதுமக்களும், வாக்காளார்களும் முதலில் புரிந்து கொள்ள வேண்டும். ஒரு சாதாரண கிராம ஊராட்சி மன்றத்தலைவர் பதவிக்கு வருவதால் சம்பந்தப்பட்ட நபருக்கு என்ன பலன் கிடைக்கும் என்பதை எனது இந்த பதிவில் காணலாம். உங்களுக்கு ஒன்று தெரியுமா ஊராட்சி மன்றத்தலைவர் பதவிக்கு வரும் நபருக்கு மாதச்சம்பளம் போல சம்பளம் எதுவுமே கிடையாது. இது உங்களுக்கு ஆச்சரியமாக இருக்கும்.. ஆனால் இது தான் உண்மை . சம்பளமே இல்லாத ஒரு பதவிக்கு ஏன் அவர்கள் இந்த போ
