திருப்பூர்:மாவட்ட நிர்வாகம் அறிமுகம் செய்த, 'வாட்ஸ் ஆப்' எண்ணில், 2,012 பேர், தங்களது கோரிக்கையை விண்ணப்பித்துள்ளனர்.கடந்த மாதம், மாவட்டத்தின் குறைகேட்பு பயன்பாட்டுக்காக, 97000 41114 என்ற 'வாட்ஸ் ஆப்' எண் அறிமுகம் செய்யப்பட்டது. தாலுகா வாரியாக, மக்களுக்கு விழிப்புணர்வு ஏற்படுத்தி, கோரிக்கை, புகார் அனைத்தையும், 'வாட்ஸ் ஆப்' எண் மூலமாக தெரிவிக்கலாம் என, மாவட்ட நிர்வாகம் அறிவித்தது. மாவட்ட சமூக பாதுகாப்பு பிரிவில், தனியாக அலுவலர் நியமிக்கப்பட்டு, 'வாட்ஸ் ஆப்' புகார்களும், கோரிக்கைகளும், உரிய அலுவலகத்துக்கு அனுப்பி வைக்கப்படுகிறது. உரிய நடவடிக்கை எடுத்த பிறகு, சம்பந்தப்பட்ட நபருக்கும் பதிலாக தெரிவிக்கப்படுகிறது.கடந்த ஒரு மாதத்தில், 2,012 புகார்கள், 'வாட்ஸ் ஆப்' மூலமாக பெறப்பட்டுள்ளது. அனைத்து கோரிக்கைகளுக்கும், உரிய நடவடிக்கையும் எடுக்கப்பட்டுள்ளது. கலெக்டர் விஜய கார்த்திகேயன் கூறியதாவது:மாவட்ட நிர்வாகத்தின் 'வாட்ஸ் ஆப்' எண்ணில், கோரிக்கை மற்றும் புகார் மனுக்கள் வரப்பெறுகிறது. பதிவேட்டில், அதன் விவரம் பதிவு செய்யப்படுகிறது. உள்ளாட்சி அமைப்புகள் மூலமாக, அடிப்படை வசதி தொடர்பான கோரிக்கை, நிறைவேற்றப்படுகிறது. அதிகபட்சமாக, வீட்டுமனை பட்டா, பட்டா பெயர் மாற்றம் போன்ற விண்ணப்பங்கள் வருகின்றன. வாராவாரம், 'வாட்ஸ் ஆப்' கோரிக்கை மீதான நடவடிக்கை ஆய்வு செய்யப்படுகிறது. தள்ளுபடியான விண்ணப்பங்கள் குறித்து, விண்ணப்பதாரரிடமும், 'போன்' மூலமாக விசாரணை செய்யப்படுகிறது.இவ்வாறு, கலெக்டர் கூறினார்.பஞ்சாயத்து தலைவருக்கு எவ்வளவு சம்பளம் தெரியுமாகோடிகள், புரளும் (ஊராட்சிகளில் ஊழல் நடப்பது எப்படி....
இந்தியாவின் ஆணிவேராக கிராமங்களும், கிராம பஞ்சாயத்துகளும் கருதப்படுகிறது. கிராமங்களுக்கு அரசியல் அதிகாரமளித்தல் என்பது மிகவும் தவிர்க்க முடியாத ஒன்று. ஆனால் அந்த அதிகாரம் ஆபத்தானதாக சென்று கொண்டிருப்பது தான் உள்ளாட்சி அமைப்புகளின் பிரச்சனையாக கருதப்படுகிறது . தமிழ்நாட்டில் தற்போது பரபரப்பாக உள்ளாட்சித்தேர்தல் நடந்து முடிந்து வெற்றி, தோல்வி முடிவுகள் வெளியாகி வருகிறது. இந்திய பிரதமர் ஆனது போல சிலர் வெற்றி பெற்ற வேட்பாளர்களின் புகைப்படத்தை பேஸ்புக் உள்ளிட்ட சமூக வலைதளங்களில் பகிர்ந்து ஆரவாரம் செய்வதை காணமுடிகின்றது. ஏன் அவர்களுக்கு இந்த வெற்றி இவ்வளவு பெரிதாக இருக்கிறது என்பதை பொதுமக்களும், வாக்காளார்களும் முதலில் புரிந்து கொள்ள வேண்டும். ஒரு சாதாரண கிராம ஊராட்சி மன்றத்தலைவர் பதவிக்கு வருவதால் சம்பந்தப்பட்ட நபருக்கு என்ன பலன் கிடைக்கும் என்பதை எனது இந்த பதிவில் காணலாம். உங்களுக்கு ஒன்று தெரியுமா ஊராட்சி மன்றத்தலைவர் பதவிக்கு வரும் நபருக்கு மாதச்சம்பளம் போல சம்பளம் எதுவுமே கிடையாது. இது உங்களுக்கு ஆச்சரியமாக இருக்கும்.. ஆனால் இது தான் உண்மை . சம்பளமே இல்லாத ஒரு பதவிக்கு ஏன் அவர்கள் இந்த போ
