போதை நபர்களுக்கு எஸ்ஐ எச்சரிக்கை

மதுரையில் கஞ்சா உள்ளிட்ட போதை வஸ்துகளை அடிமையாக குற்றச்செயல்களில் ஈடுபடுபவர்களை போலீஸ் எஸ்.ஐ., வாட்ஸ் ஆப் ஆடியோ மூலம் எச்சரித்துள்ளார்.மதுரையில் செல்லூர் எஸ்ஐ தியாக பிரியன் என்பவர், வாட்ஸ் ஆப் மூலம் வெளியிட்ட ஆடியோவில், '' ஒரு அண்ணனாக சொல்கின்றேன். தேவையற்ற வேலைகளை நிறுத்தவும். இல்லாவிட்டால் சிங்கத்தின் அசூரவேட்டை தொடரும். அப்துல்கலாமின் கனவான 2020ம் ஆண்டுக்குள் இந்திய வல்லரசாக வேண்டும் என்பதை நிரூபிக்க போதைகளை தூக்கி போடுங்கள். நல்வழியில் செல்ல வேண்டும். இதுவரை பொறுமையாக இருந்தேன். இனி இருக்கமாட்டேன் எனக்கூறியுள்ளார். இந்த ஆடியோ வைரலாகி வருகிறது.