சான்றிதழ் வழங்க லஞ்சம் வாங்கிய வட்டாட்சியர், துணை வட்டாட்சியர், தற்காலிகப் பணியாளர் ஆகியோர், லஞ்ச ஒழிப்புப் போலீஸாரால் கைதுசெய்யப்பட்ட சம்பவம் வருவாய்த்துறையினரிடையே பெரும் பரபரப்பை ஏற்படுத்தியுள்ளது. ஸ்ரீ முஷ்ணத்தில், சான்றிதழ் வழங்க லஞ்சம் வாங்கிய வட்டாட்சியர், துணை வட்டாட்சியர் ஆகியோரை கடலூர் லஞ்ச ஒழிப்பு போலீஸார் கைது செய்தனர். கடலூர் மாவட்டம் ஸ்ரீ முஷ்ணம் அருகே உள்ள பவழங்குடி கிராமத்தைச் சேர்ந்தவர், கம்யூனிசா. இவரின் கணவர் மாபூஷா இறந்துவிட்டதால், ஸ்ரீ முஷ்ணம் வட்டாட்சியர் அலுவலகத்தில் வாரிசு சான்றிதழ் மற்றும் சாதிச் சான்றிதழ் ஆகியவை கேட்டு விண்ணப்பித்திருந்தார்.இதற்கு வட்டாட்சியர் அலுவலகத்தில் ரூ 14 ஆயிரம் லஞ்சம் கேட்டுள்ளனர். கம்யூனிசா, இதுகுறித்து கடலூர் லஞ்ச ஒழிப்பு அலுவலகத்தில் புகார் தெரிவித்துள்ளார். இதையடுத்து, நேற்று மாலை கடலூர் லஞ்ச ஒழிப்புதுறை டிஎஸ்பி நெல்வின்ராஜாசிங் தலைமையில் இன்ஸ்பெக்டர்கள் சண்முகம், திருவேங்கடம் உட்பட, லஞ்ச ஒழிப்பு போலீஸார் ஸ்ரீ முஷ்ணம் வட்டாட்சியர் அலுவலகத்தில் காத்திருந்தனர். அப்போது, கம்பூனிசா லஞ்சப் பணத்தை வட்டாட்சியர் கண்ணன், துணை வட்டாட்சியர் அருள்பிரகாசம், தற்காலிகப் பணியாளர் உத்திரவன்னியன் ஆகியோரிடம் கொடுத்தபோது, மறைந்திருந்த லஞ்ச ஓழிப்புப் போலீஸார் மூன்று பேரையும் கைதுசெய்தனர்.பஞ்சாயத்து தலைவருக்கு எவ்வளவு சம்பளம் தெரியுமாகோடிகள், புரளும் (ஊராட்சிகளில் ஊழல் நடப்பது எப்படி....
இந்தியாவின் ஆணிவேராக கிராமங்களும், கிராம பஞ்சாயத்துகளும் கருதப்படுகிறது. கிராமங்களுக்கு அரசியல் அதிகாரமளித்தல் என்பது மிகவும் தவிர்க்க முடியாத ஒன்று. ஆனால் அந்த அதிகாரம் ஆபத்தானதாக சென்று கொண்டிருப்பது தான் உள்ளாட்சி அமைப்புகளின் பிரச்சனையாக கருதப்படுகிறது . தமிழ்நாட்டில் தற்போது பரபரப்பாக உள்ளாட்சித்தேர்தல் நடந்து முடிந்து வெற்றி, தோல்வி முடிவுகள் வெளியாகி வருகிறது. இந்திய பிரதமர் ஆனது போல சிலர் வெற்றி பெற்ற வேட்பாளர்களின் புகைப்படத்தை பேஸ்புக் உள்ளிட்ட சமூக வலைதளங்களில் பகிர்ந்து ஆரவாரம் செய்வதை காணமுடிகின்றது. ஏன் அவர்களுக்கு இந்த வெற்றி இவ்வளவு பெரிதாக இருக்கிறது என்பதை பொதுமக்களும், வாக்காளார்களும் முதலில் புரிந்து கொள்ள வேண்டும். ஒரு சாதாரண கிராம ஊராட்சி மன்றத்தலைவர் பதவிக்கு வருவதால் சம்பந்தப்பட்ட நபருக்கு என்ன பலன் கிடைக்கும் என்பதை எனது இந்த பதிவில் காணலாம். உங்களுக்கு ஒன்று தெரியுமா ஊராட்சி மன்றத்தலைவர் பதவிக்கு வரும் நபருக்கு மாதச்சம்பளம் போல சம்பளம் எதுவுமே கிடையாது. இது உங்களுக்கு ஆச்சரியமாக இருக்கும்.. ஆனால் இது தான் உண்மை . சம்பளமே இல்லாத ஒரு பதவிக்கு ஏன் அவர்கள் இந்த போ
