இந்த வழக்கு இன்று நீதிபதிகள் மணிகுமார் மற்றும் சுப்ரமணியம் பிரசாத் அமர்வு முன் விசாரணைக்கு வந்தது. அப்போது, இருசக்கர வாகனங்களில் பின் அமர்ந்து பயணிப்பவர்களும் ஹெல்மெட் அணிய வேண்டும் என அரசு மக்களிடம் விழிப்புணர்வு ஏற்படுத்தி வருவதாகவும், ஹெல்மெட் அணியாதவர்கள் மீது வழக்கு பதிவு செய்யப்படுவதாக அரசு தரப்பில் தெரிவிக்கப்பட்டது. இதனை ஏற்க மறுத்த நீதிபதிகள், போக்குவரத்து காவல் துறையினர் கண்காணிப்பு கேமரா முன் நின்று விதிமீறல்களில் ஈடுபடும் வாகன ஓட்டிகளிடம் அபராதம் வசூலிப்பார்களா என கேள்வி எழுப்பினர். மேலும், ஹெல்மெட் அணிவோரின் எண்ணிக்கை, விதிகளை மீறும் வாகன ஒட்டிகள் மீது எடுக்கப்படும் நடவடிக்கைகளை தெரிந்து கொள்ள சாலைகளில் உள்ள சி.சி.டி.வி கேமரா பதிவுகளை நீதிமன்றத்தில் தாக்கல் செய்ய நீதிபதிகள் உத்தரவிட்டனர். அண்ணா சாலையில் கத்திபாரா முதல் மன்ட்ரோ சிலை வரை , காமராஜர் சாலை, பூந்தமல்லி நெடுஞ்சாலை போன்றவற்றில் கடந்த 2-ம் தேதி பதிவான கண்காணிப்பு கேமரா பதிவை தாக்கல் செய்ய உத்தரவிட்ட நீதிபதிகள், விசாரணையை ஜூலை12-ம் தேதிக்கு தள்ளிவைந்தனர்.பஞ்சாயத்து தலைவருக்கு எவ்வளவு சம்பளம் தெரியுமாகோடிகள், புரளும் (ஊராட்சிகளில் ஊழல் நடப்பது எப்படி....
இந்தியாவின் ஆணிவேராக கிராமங்களும், கிராம பஞ்சாயத்துகளும் கருதப்படுகிறது. கிராமங்களுக்கு அரசியல் அதிகாரமளித்தல் என்பது மிகவும் தவிர்க்க முடியாத ஒன்று. ஆனால் அந்த அதிகாரம் ஆபத்தானதாக சென்று கொண்டிருப்பது தான் உள்ளாட்சி அமைப்புகளின் பிரச்சனையாக கருதப்படுகிறது . தமிழ்நாட்டில் தற்போது பரபரப்பாக உள்ளாட்சித்தேர்தல் நடந்து முடிந்து வெற்றி, தோல்வி முடிவுகள் வெளியாகி வருகிறது. இந்திய பிரதமர் ஆனது போல சிலர் வெற்றி பெற்ற வேட்பாளர்களின் புகைப்படத்தை பேஸ்புக் உள்ளிட்ட சமூக வலைதளங்களில் பகிர்ந்து ஆரவாரம் செய்வதை காணமுடிகின்றது. ஏன் அவர்களுக்கு இந்த வெற்றி இவ்வளவு பெரிதாக இருக்கிறது என்பதை பொதுமக்களும், வாக்காளார்களும் முதலில் புரிந்து கொள்ள வேண்டும். ஒரு சாதாரண கிராம ஊராட்சி மன்றத்தலைவர் பதவிக்கு வருவதால் சம்பந்தப்பட்ட நபருக்கு என்ன பலன் கிடைக்கும் என்பதை எனது இந்த பதிவில் காணலாம். உங்களுக்கு ஒன்று தெரியுமா ஊராட்சி மன்றத்தலைவர் பதவிக்கு வரும் நபருக்கு மாதச்சம்பளம் போல சம்பளம் எதுவுமே கிடையாது. இது உங்களுக்கு ஆச்சரியமாக இருக்கும்.. ஆனால் இது தான் உண்மை . சம்பளமே இல்லாத ஒரு பதவிக்கு ஏன் அவர்கள் இந்த போ
